Аҧсны аҳәынҭқарратә хортә капелла

Аҧсны аҳәынҭқарратә хортә капелла еиҿкаан 1969 шықәсазы акомпозитор Чычба А. Ч. иаҧшьгарала. Иеиуеиҧшым аамҭақәа рзы акапелла адирижиорцәас иҟан Чычба А. Ч., Гәымба Р. Д., Аиба В., М., Дмитриак Г. А., Судаков В. А., Ҷанба Н. В.

1974 ш. Аҧсны акапелла асахьаркыратә напхгаҩыси дирижиор хадаси даҭан аҧсуа профессионалтә хортә музыка аҿиараҟны злагаламҭа дуу Москватәи адирижиор Судаков В. А. В. Судаков анапхгараҟны 10 шықәса иҟазаара аҩныҵҟала акапелла арепертуар ҭбаахоит. Уи иалалоит иеиуеиҧшым астильқәеи аамҭақәеи раҧҵамҭақәа – XVI-XVII ашә. ажәытә музыка Шуберт, Моцарт, Бетховен раҧҵамҭақәа инадыркны аҧснытәи акомпозиторцәа раҧҵамҭақәа, аҧсуа жәлар рашәақәа, ажәытә аҧсуа шәаҳәарақәа. В. Судаков инапхгарала акапелла аколлектив изныкымкәа гастроль ҳасабла ицахьан ҧасатәи Асовет Еигыла ақалақьқәеи ареспубликақәеи рахь, лымкаала ақлақьқәа Москва, Ленинград, Прибалтика ареспублика.

1996 ш. инаркны акапелла напхгара аиҭон П. И. Чаиковски ихьӡ зху Москватәи аконсерваториа аушьҭымҭаҩ Ҷанба Н. В.

1995 ш. инаркны акапелла асахьаркыратә напхгаҩыси дирижиор хадаси дыҟоуп Џьынџьалҧҳа Н. И. Аибашьра ашықәс хьанҭақәа раан лара акапелла дахагыланы имҩаҧылгаз аусура иабзоураны аколлектив аиқәырхара лылшоит. Иахьагьы ари аколлектив аҟазара ҳаракы ахәаҧшыҩцәа ирбартә аҭагылазаашьа ыҟоуп. Ахортә музыка Урыстәылазегьтәи афестиваль «Иҵәцалышу Алира» (Владимир ақ.) алауреат, аҟазара аҟазацәа рфестиваль «Кавказ аҭынчра» алауреат.

Акапелла апрограммаҟны иҟоуп Бетховен, Моцарт, Доницетти, Молотте, Франк, Гендель, Гуно, Каччини, Вивальди раҧҵамҭақәа реиҧш, аџьынџьтәылатә композиторцәа – А. Чычба, Р. Гәымба, Н. Ҷанба, Т. Аџьапуа, К. Ченгелиа, В. Царгәыш рырҿиамҭақәа, аҧсуа жәлар рашәақәа, VI ашә. иаҵанакуа аҧсуа қьырсиан шәаҳәарақәа, ақьабзтә ашәақәа, аурыс композиторцәа Рахманинов, Бортниански, Чесноков, Свиридов раҧҵамҭақәа. 

Прочитано 370 раз Последнее изменение Четверг, 04 апреля 2019 11:53
Другие материалы в этой категории: Аҳәынҭқарратә ахәыҷтәы акәашаратә ансамбль «Абаза» »

О Министерстве

Министерство культуры Республики Абхазия является центральным органом государственного управления, осуществляющим функции по выработке и реализации государственной политики в сфере культуры, искусства, историко-культурного наследия.

Адрес

Республика Абхазия

384900, г.Сухум, ул.Лакоба, 21

Тел: +7(840) 229-75-42

E-mail: mc_ra@mail.ru

Яндекс.Метрика